University of Management and Economics

* ប្រវត្តិកម្មវិធីសិក្សាភាសាថៃ ចិន

- ឆ្នាំ ២០១៤ កម្មវិធីសិក្សាភាសាថៃ ត្រូវបានបង្កើតឡើងដោយលោក ទុន ភក្តី សាកលវិទ្យាធិការ នៃសាកលវិទ្យាល័យគ្រប់គ្រង និង សេដ្ឋកិច្ច ។ កម្មវិធីភាសាថៃនេះ គឺជាផ្នែកមួយនៃសាកលវិទ្យាល័យ គ្រប់គ្រង និង សេដ្ឋកិច្ច។ រហូតមកដល់ពេលនេះ កម្មវិធីសិក្សាភា សាថៃ កំពុងនឹងចាប់ផ្តើមដំណើរការ ដើម្បីឲ្យស្របទៅនឹងតម្រូវការទីផ្សារ បច្ចប្បន្ន ក៏ដូចជាដើម្បីត្រៀម សម្រាប់សមាហរណកម្ម អាស៊ានឆ្នាំ ២០១៥ ខាងមុខនេះ ។ ក្នុងពេលបច្ចុប្បន្ននេះ កម្មវិធីសិក្សាភាសាថៃ ស្ថិតនៅ ក្រោមការគ្រប់គ្រង ដោយផ្ទាល់ ពី សាកលវិទ្យាធិការនៃសាកលវិទ្យាល័យគ្រប់គ្រង និង សេដ្ឋកិច្ច ។

* ទស្សនវិស័យ

កម្មវិធីភាសាថៃ មានទស្សនៈវិស័យចូលរួមជំរុញការអភិវឌ្ឍន៍ប្រទេសជាតិ តាមរយៈ ការអភិវឌ្ឍន៍ធនធានមនុស្ស អោយមាន ចំណេះដឹងផ្នែក ភាសាថៃ ច្បាស់លាស់ និង ស្ទាត់ជំនាញ ងាយស្រួលទំនាក់ទំនងជាមួយប្រទេសជិតខាង ដើម្បីកសាងនូវសន្តិភាព មួយជាមួយថៃ ក៏ដូចអាស៊ានទាំងមូល ។

* បេសកកម្ម

ដើម្បីពង្រឹង និង ពង្រីកសមត្ថភាព សិស្សានុសិស្ស និស្សិត តាមរយៈការផ្តល់ជូននូវគុណភាព និង ឧត្តមភាព ក្នុងការអប់រំ ផ្នែកភាសាថៃ ដោយផ្តោតទៅលើជំនាញទាំងបួន ដូចជា ជំនាញនិយាយ ស្តាប់ អាន និង សរសេរ ព្រមទាំង ជំនាញក្នុងការទំនាក់ទំនងប្រកបដោយប្រសិទ្ធភាពខ្ពស់ ។

* គោលបំណងនៃការសិក្សា

គោលបំណងសំខាន់ៗរបស់កម្មវិធីភាសាថៃ មានៈ

- បង្រៀនសិស្សានុសិស្ស និស្សិតអោយមានសមត្ថភាពប្រើប្រាស់ភាសា ថៃ យ៉ាងមានប្រសិទ្ធភាព

- បង្រៀនសិស្សានុសិស្ស និស្សិត អោយមានលក្ខណៈសម្បត្តិគ្រប់គ្រាន់ ក្នុងការធ្វើការងារជាមួយជនជាតិថៃ

-បង្រៀនសិស្សានុសិស្ស និស្សិត អោយមានសមត្ថភាពក្នុងការទំនាក់ទំនង ប្រកបដោយប្រសិទ្ធភាពខ្ពស់ ជាមួយថៃ

- បង្រៀនសិស្សានុសិស្ស និស្សិត អោយមានសមត្ថភាព និង ជំនាញច្បាស់ លាស់ក្នុងការបកប្រែភាសាថៃ

* រចនាសម្ព័ន្ធ កម្មវិធីភាសាថៃ

កម្មវិធីភាសាថៃ ត្រូវបានបង្កើតឡើង ដើម្បីជួយជំរុញ ផ្នែកភាសាថៃ បន្ថែម ដល់និស្សិត សាកលវិទ្យាល័យ ក៍ដូចជា សិស្សានុសិស្ស នៅតាមវិទ្យាល័យនានាផងដែរ ។ កម្មវិធីសិក្សានេះ ត្រូវបានបង្រៀនតាម សៀវភៅ ភាសាថៃរបស់ក្រសួងអប់រំថៃ ដែលបោះពុម្ពនៅទីក្រុង បាងកក ប្រទេសថៃ ហើយចែកចេញជា ១២ ថា្នក់ សិក្សា ព្រមទាំងផ្តល់ វិញ្ញាបនបត្រ ៣ ប្រភេទ គឺ ទី១ ថា្នក់បឋមសិក្សា មានចាប់ពី ថ្នាក់ទី ១ ដល់ ថ្នាក់ទី ៦ ។ ទី២ គឺ ថ្នាក់មធ្យមសិក្សាដើម ចាប់ពីថ្នាក់ទី ៧ ដល់ ថ្នាក់ទី ៩ និង ទី៣ ថ្នាក់មធ្យមសិក្សាចុង មានចាប់ពីថ្នាក់ទី ១០ ដល់ថ្នាក់ទី ១២ ។ កម្មវិធីភាសាថៃនេះ ត្រូវបានដឹកនាំដោយ នាយក ១ រូប និង នាយករង ១ រូប ព្រមទាំង បុគ្គលិកមួយចំនួន តាមការចាំបាច់ ។

* កម្មវិធីសិក្សា ភាសាថៃ

ល.រ	ថ្នាក់ទី	ប្រភេទសៀវភៅ /Books	រយៈពេលសិក្សា /Duration	វិញ្ញាបនបត្រ /Certificates
១	ថ្នាក់ទី ១	ភាសាថៃថ្នាក់ទី ១	៤ ខែ/ ៨០ ម៉	បឋមសិក្សា
២	ថ្នាក់ទី ២	ភាសាថៃថ្នាក់ទី ២	៤ ខែ/ ៨០ ម
៣	ថ្នាក់ទី ៣	ភាសាថៃថ្នាក់ទី ៣	៤ ខែ/ ៨០ ម
៤	ថ្នាក់ទី ៤	ភាសាថៃថ្នាក់ទី ៤	៣ ខែ/ ៦០ ម
៥	ថ្នាក់ទី ៥	ភាសាថៃថ្នាក់ទី ៥	៣ ខែ/ ៦០ ម៉
៦	ថ្នាក់ទី ៦	ភាសាថៃថ្នាក់ទី ៦	៣ ខែ/ ៦០ ម៉
៧	ថ្នាក់ទី៧	ភាសាថៃថ្នាក់ទី ៧	៤ ខែ/ ៨០ ម៉	មធ្យមសិក្សាដើម
៨	ថ្នាក់ទី ៨	ភាសាថៃថ្នាក់ទី ៨	៤ ខែ/ ៨០ ម
៩	ថ្នាក់ទី ៩	ភាសាថៃថ្នាក់ទី ៩	៤ ខែ/ ៨០ ម
១០	ថ្នាក់ទី ១០	ភាសាថៃថ្នាក់ទី ១០	៣ ខែ/ ៦០ ម	មធ្យមសិក្សាចុង
១១	ថ្នាក់ទី ១១	ភាសាថៃថ្នាក់ទី ១១	៣ ខែ/ ៦០ ម៉
១២	ថ្នាក់ទី ១២	ភាសាថៃថ្នាក់ទី ១២	៣ ខែ/ ៦០ ម៉

* ពេលសិក្សា

ល.រ	ពេល	ច័ន្ទ-សុក្រ	ល.រ	ពេល	ចុងសប្តាហ៍
ល.រ	ពេល	ម៉ោង	ល.រ	ពេល	ម៉ោង
១	ព្រឹក	៦:០០ - ៧:០០	១	ព្រឹក	៦:០០ - ៧:០០
២	រសៀល	១២:០០ - ១:០០	២	រសៀល	១២:០០ - ១:០០
៣	ល្ងាច	៥:០០ - ៦:០០	៣	ល្ងាច	៥:៣០ - ៧:៣០
៤	យប់	៦:០០ - ៧:០០	៤	យប់	៦:០០ - ៨:០០
៥	យប់	៧:០០ - ៨:០០	៥	យប់	៧:០០ - ៨:០០